سازودهل
لینک دوستان
پيوندهای روزانه
سازودهل فیلم لری
باشا چيخ


başa çıx

قيش گوٍنونده وارد اولدون بيرداغا
qiş günündə varid oldun bir dağa

گوٍن باتيبدير آياق گؤتور باشا چيخ
gün batıbdır ayaq götür başa çıx

کيمسهاينن ائيلهدين سن بير دوستلوق
kimsə inən eylədin sən bir dostluq

ائيله گئد گل او دوستلوغو باشا چيخ
eylə ged gəl o dostluğu başa çıx




اووچو اولان وارار گئدر بو داغا
ovçu olan varar gedər bu dağa

باخ سينهمده بو دوٍگونه بو داغا
bax sinəmdə bu düyünə bu dağa

شاختا وورسا گوٍل تؤکولر بوداغا
Şaxta vursa gül tökülər bu dağa

بولبول اوچار گوٍلده قالار باش آچيخ
bülbül uçar güldə qalar baş açıx




من قوربانام يارين شيرين ديلينه
mən qurbanam yarın şirin dilinə

مينا کمر خوب ياراشير بئلينه
mina kəmər xub yaraşır belinə

قيش گوٍنونده گئدمه نامرد ائلينه
qiş günündə gedmə namrd elinə

نامرد قووار آياق يالين باش آچيخ
namərd qovar ayaq yalın baş açıx




من قوربانام يارين قارا قاشينا
Mən qurbanam yarın qara qaşına

فلک آغي قاتسين رقيب آشينا
fələk ağı qatsın rəqib aşına

بگ اودور کي ائلين ييغا باشينا
bəy odur ki elin yiğa başına

ائل داغيلسا بگ ده قالار باش آچيخ
el dağılsa bəy də qalar baş açıx




تيليم دييهر سن کي مني آغلاتدين
tilim diyər sən ki məni ağlatdın

کاباب باغريم شيشه چکيب داغلاتدين
kabab bağrım şişə çəkib dağlatdın

دوست يانيندا آچيق اليم باغلاتدين
dost yanında açıq əlim bağlatdın

باري خودام سن بونوينان باشا چيخ
barı xudam sən bunuynan başa çıx
[ دوشنبه بیست و ششم تیر 1391 ] [ 1:29 ] [ عاشيق حسن دژم ]
اوبالاریمیز صف-صف اولوب یوکله‌نیر،

باشی آلا قارلی داغلار، قال ایندی.

بیز ایچمه‌دیک آبی-کؤوثر سویوندان،

سویوق سولار، تر بولاقلار، قال ایندی.

بی وفاسان، هئچ گؤرمه‌دیم وفان، یار،

تیفیل ایکن چوخ چکمیشم جفان، یار،

من اؤلنده کیملر سورر، صفان، یار،

فرش دؤشنمیش آغ اوتاقلار، قال ایندی.

ادامه مطلب
[ یکشنبه بیست و هشتم خرداد 1391 ] [ 1:16 ] [ عاشيق حسن دژم ]
ایماملار
" بیسمیللاحیر-رحمانیر-رحیم!” - دئییب,
سیدق ایله چاغیررام شاهی-حیدری.
خیشمه گلیب, بیر الینده گؤتوردو
سک‌سن مین باتمانلیق دری-خئیبری.
حسن ال-موجتبا عالمه راهبر,
حسینی-شهیددی شافئیی-محشر,
ایمام ذئینالابدین دیلیمده ازبر,
قویما داردا من ذلیلو موزتری!

محمّد باغیرا وار ایلتیماسیم,
ایمام جعفره باغلامیشام خلاصیم,
بورجلویا ذامیندی موسئیی-کازیم,
قورتاریبدی دار‌دان چوخ ذلیل‌لری.
قریب ایمام رزا - خوراسان شاهی,
سیدق ایله چاغیران هئچ چکمز آهی.
محمّد تاغیدی عالم پناهی,
اونا قوربان دئدیم بو جانو سری.
علیین ناغیدی عالمده الا,
بیر سری مین درده اولوب موبتلا.
ایستییر‌سن, موشگول ایشین حلل اولا,
سیدقی-دیلله چاغیر حسن اسغری.
مئهدی‌نین شنینه گلیبدی آیات,
ایسمینه مؤمن‌لر وئریر سالاوات.
یوومی-ارستده ائتمه خجالت,
یان‌دیرما اودلارا قول السگری!
[ یکشنبه بیست و هشتم خرداد 1391 ] [ 1:2 ] [ عاشيق حسن دژم ]
راسیندا
تزه آشنالیقلا کؤحنه دوستلوغون
فرقی وار قیش ایله یاز آرا‌سیندا.
نامردده قایدادی: کسر باسدیغین,
هر کس حساب چکسین اوز آرا‌سیندا.
قودرت‌دن ئوجالان ظلم ایله ائنمز,
حاق‌دان یانان چیراق باد ایله سؤنمز.
دوست دوست‌دان اینجییر, قلبینده دؤنمز,
اولار بیر آز ارکی ناز آرا‌سیندا.
السگرم, قمو مؤحنتدی یوکوم,
فیل چکمز بو دردی, من نئجه چکیم?!
حاق ایله ناحاققی آختاران حاکم
تاپار قولاق ایله گؤز آرا‌سیندا.
[ یکشنبه بیست و هشتم خرداد 1391 ] [ 0:59 ] [ عاشيق حسن دژم ]
[ یکشنبه بیست و هشتم خرداد 1391 ] [ 0:52 ] [ عاشيق حسن دژم ]
بؤیوک آللاهین آدی ینان


حضرت علی علیه السلامین دوغــــوم گونو بوتون

موسلمان را خصوصا شیعه لرینَه موبارک اولسون



ساوالی دَدَه تیلیم خان دان بیر قوشما مولا علی علیه السلامین وَصفیندَه

تقدیم اولور بوتون وطنداشلاریما :



هر کورسی نشین لر شَهَنشاه اولماز

شاه جیقّه سی جئبرئیل دَن پَــر گرَک

خَشمی نَن آتلانیب سئیرَه گیدَنـــدَه

شیکاری نــا عَمـــرو - عَنتَـــــر گرَک

اون دؤرد اوخو بیر جیلله یَــه میندیرَن

ریـــزَه کِرمــی سنگ ایچیندَه دیندیرَن

سَمــادَه اَختَردَن گــــونــــو دونــدَرَن

حؤکموندَه گاو - ماهی ، بَحرِ - بَر گرَک

شاگیردانَـــه دَهَنـــدَه سی داش اولان

آدی سولیمـــــان نِگینیندَه قاش اولان

سَراندیبدَه خیضری نَن یـــولداش اولان

اَلبَتّــــه خیضریــــــــدَن مــــؤعتَبَر گرَک

خئیبَرین قاپــــی سین یئریندَن آتــــان

اؤزون قول ائیله ییب بَــربَــــردَه ساتان

مئعراج دا رسولــــــون یولونــــو تــوتان

آدی حِیــــدَر اولان حَـــــــی - دَر گرَک

تیلیم اوستاد لیکـــــدَن وورماگینان دَم

کَلب اول قاپی سیندان گؤتــــورمَه قَدَم

چوخلار دئییب بـــــــو دونیادَه اوستادَم

اوستاد علی کیمین شیر - نَــــر گرَک
[ سه شنبه شانزدهم خرداد 1391 ] [ 1:30 ] [ عاشيق حسن دژم ]
دويقولار ايچينده غم منيم اولوب

گؤزياشي گؤزومده ن آخاندان بري

يالنيزليق آمانسيز هم دميم اولوب

آي منه، من آيا باخاندان بري

نغمه له ر قوشموشام قايداسيز،

يؤلسوز

شعيرله ر يازميشام باشسيز و سؤنسوز 

دويقولار دنيزيم اوجسوز بوجاقسوز

آي منه، من آيا باخاندان بري 

[ جمعه هشتم اردیبهشت 1391 ] [ 1:39 ] [ عاشيق حسن دژم ]
Qoşma

Bivəfanın, müxənnəsin, nakəsin,
Doğru sözün, düz ilqarın görmədim.
Namərdin dünyada çox çəkdim bəhsin,
Namusun, qeyrətin, arın görmədim.


Namərdi özümə mən dost eylədim,
Yolunda canıma çox qəsd eylədim,
Söyüddən bağ saldım, peykəst eylədim,
Almasın, heyvasın, narın görmədim.


Nəfs aldatdı hər yetənə xan dedim,
Bihuda kollara gülüstan dedim,
Əbəs yerə bivəfaya can dedim,
Zülmətin çox çəkdim, karın görmədim.


Huşum çaşdı, düşdüm olmaz oyuna,
Yetmədim gözəlin əsli-soyuna,
Aşıq oldum simasına, boyuna,
Hayıf ki, kamalda dərin görmədim.


Ələsgər, elmində olma nabələd,
Doğru söylə, sözün çıxmasın qələt,
Şahiddə iman yox, bəydə ədalət,
Alimlərin düz bazarın görmədim.
[ یکشنبه سیزدهم فروردین 1391 ] [ 22:39 ] [ عاشيق حسن دژم ]
Sənə necə bel bağlayım, ey vəfasiz, fani dünya?
Məndən artıq bəndələrin itibdir ad sanı dünya.
Al yığ sən gərdanına, böylə nahaq qanı dünya.
Vəsafızsan tanımırsan, nə bəyi, nə xanı dünya.
Özündən razı qoymadın, neçə qəhrəmanı dünya.

Mövlud Qurana yazıldı, neçə-neçə surəsində,
İsgəndər biləklilər girdi zülmət qalasına.
Həkim, loğman aciz qaldı Firovunun çarəsinə.
Adəm, Məhəmməd və Əli mussuoner arasında,
Yüz iyirmi dörd min nədir, göstər görüm hanı dünya?
Özündən razı qoymadın, Əli tək aslanı dünya.

Gəlin əziz bəndələr, aldanmayaq bu dünyaya,
Bu dünya fani dünyadır, dönübdür qəddi minaya.
Eşıtdim zinətkahı qırdı, şıddətli taleyin aya,
Edərik fitnə qeybəti, gedərik qəmli dünyaya.
Halal yoldan çıxarıbdır, bu Molla Cumanı dünya.
Özündən razı qoymadın, neçə qəhrəmanı dünya.
[ یکشنبه سیزدهم فروردین 1391 ] [ 22:35 ] [ عاشيق حسن دژم ]
Varlıynan dost olub yoxsula gülmə!
Çox da havalanıb coşma dünyada.
El səni istəyib, qabağa çəksə,
Ağır ol, alçağa düşmə dünyada!

Dərdini bölüşdür qədir bilənnən,
Vəfalı dost olmaz üzə gülənnən.
Bir adam ki, “sən öl” desə yalannan,
Onun körpüsündən keçmə dünyada.

Bu sözü bəyənər bir arif, əyyar,
Bədəsil kimsəyə yapış, nə yalvar.
Qonşuya söyləyib aləmə yayar,
Sirrini seyraquba açma dünyada.

Yaxşı oğul əgər bir yaxşı ata,
Ölüncə heç kəsə yetirməz xata,
Yeri gəlsə xeyir verər elata,
Onun arxasından qaçma dünyada.

Ələsgər, söylənir sözün adınan,
Arif məclisində hər isbatınan,
Bir dost sənlə olsa, sirri yadınan,

Onu düşmənindən seçmə dünyada.


Aşıq Ələsgər         

[ یکشنبه سیزدهم فروردین 1391 ] [ 22:25 ] [ عاشيق حسن دژم ]
Bəd övladı əzəl başdan tanıram,
Çör-çöp yığar, yad ocağın yandırar.
Səhər durar, ar-namusun gözləməz,
Suyu tökər, öz ocağın söndürər.

Ulğun cuşa gəlsə, köpük yağ olmaz,
Söyüd bar gətirsə, bağça, bağ olmaz
Zibil təpə olsa, küllük dağ olmaz,
Yel əsəndə alçaqlara yendirər

Abbas bu sözləri deyər sərindən,
Arxı vurun, suyu gəlsin dərindən.
Söz bir olsa, dağ oynadar yerindən,
El bir olsa, zərbi kərən sındırar.
[ یکشنبه سیزدهم فروردین 1391 ] [ 22:18 ] [ عاشيق حسن دژم ]
جانيم اوغلام سندن منه امانت

بير اصيل آروادين قيزين آلگينان

آچيق جمالينا خوش رفتارينا

آغزيندان سلامين سؤزون آلگينان



ياخشي جوان گئديب پيس گؤزل آلماز

پيس گؤزل ياراسي جاندا ساغالماز

هر ساري خيرچادان بيل قوهون اولماز

بير اصيل تيك دن قوهون آلگينان



تيليم دالين داييپ بير قارلي داغا

باغبان اولگينان عاليشان باغا

تلسمه اورگينه همدم آلماغا

دولان بير دردينه درمان آلگينان

*****

[ دوشنبه بیست و دوم اسفند 1390 ] [ 1:19 ] [ عاشيق حسن دژم ]
چارشنبه گونونده، چشمه باشیندا

گؤزوم بیر آلا گؤز خانیما دوشدی

آتدی موژگان اوخون، گئچدی سینه مدن

جادو غمزه لری قانیما دوشدی


اشارت ائیله دیم دردیمی بیلدی

گؤردوم هم گوزل دی، هم اهل دیل دی

باشینی توولاییب گؤزوینه ن گولدی

گولنده قاداسی جانیما دوشدی


دئدیم علعسگرم هر علمدن حالییام

گوزل سن طبیبسن، من یارالییام

دئدی “نیشنلییام، اؤزگه مالییام”

سیندی قول-قانادیم، یانیما دوشدی
[ شنبه بیستم اسفند 1390 ] [ 2:5 ] [ عاشيق حسن دژم ]
تاماشا

خالقا ظولوم ساليب ستم ائيله ين

مظلوم سنه قالخاندادير تاماشا

عدالت محكمه قورولان زامان

قاضي سنه باخاندادير تاماشا



سايميرسان ائللري قيرين دئييرسن

جلاد پالتاريني آليب گئييرسن

ائللرين حاقّيني حاقسيز يئييرسن

ائللر سني ييخاندادير تاماشا



گؤزلر چيخاريرسان داغ ياماجيندا

مظلومون، فاغيرين، يازيق، آجين دا

كنديرين بوغازدا، دار آغاجيندا

گؤزلر باشا چيخاندادير تاماشا



گؤرمورسن گؤيده كي گؤرن آللاهي

گونده قوپاريرسان يوز واويلاهي

اوره كدن چكيلن مظلومون آهي

دوبرديوي ييخاندادير تاماشا



سن ملعون شيطانا يارليق ائيله دين

گئنيش دونيالاري دارليق ائيله دين

شن ياشاييشلاري زارليق ائيله دين

ايلديريملار شاخاندادير تاماشا



چوخ آرخايين اولما قولدا قوّته

قورشانما ستمه، ظلم، اذيّته

چوخ منم دئيه نلر دوشوب ذلّته

سيخانلاري سيخاندادير تاماشا



تاريخ چوخ گؤروبدو فرعون، شدّادي

باخسان آشورلارين ملعوندور آدي

طاق كسرالارا ايتلر اوُلادي

سئللر اونا آخاندادير تاماشا



تكبّر ائدني سئومز اول غني

گؤزله، چاشماياسان، اسدي، سني

گئنيش سارايلاري بگنمه يني

دار مزارا سوخاندادير تاماشا.
[ سه شنبه یازدهم بهمن 1390 ] [ 23:48 ] [ عاشيق حسن دژم ]
گؤردوم

باهار چاغی چیخدیم یار اوولاغینا

یاشیل یایلالاری سارالی گؤردوم

یانیندا کؤرپه سی امیر ممهسین

سورودن آیریلمیش مارالی گؤردوم

*******

اووچونو گؤرنده او مارال چاشدی

کؤرپهسی دالینجا قاچدی نه قاچدی

کؤرپه نین آیاغی داشا دولاشدی

قان آخدی دیزیندن یارالی گؤردوم

*********

اووچو ساقینمادی آه-نالادان

نه قضادان قورخدو نهده بلادان

آنانی آییردی کؤپه بالادان

سالدی بیر-بیریندن آرالی گؤردوم

***********

ددهکاتب مرددن جفا گؤرمهدیم

نامردین اوزوندن شفا گؤرمهدیم

گزدیم انسانلاردان وفا گؤرمهدیم

گن دونیا باشیما دارالی گؤردوم.

رحمتلیک دده کاتب
[ سه شنبه یازدهم بهمن 1390 ] [ 23:36 ] [ عاشيق حسن دژم ]


دئدیم دئدیلر

عارفلردن سوردوم دونیا احوالین

آزاد قوشا بیر قفسدیر دئدیلر

عؤمرون اعتبارین سؤال ائیله دیم

گئتدی گلمز بیر نفسدیر دئدیلر

******************

دئدیم دونیا مالی دئدیلر عبرت

دئدیم بس جاوانلیق دئدیلر فرصت

دئدیم بس قوجالیق دئدیلر حسرت

عؤمرون پاییز یئلی اسدی دئدیلر

********************

دئدیم بیر سرمایه بیرده سعادت

دئدیلر خوش اخلاق بیرده قناعت

دئدیم شهرت اوچون اولسا عبادت

عابد دگیل بوالهوسدیر دئدیلر

*********************

دده کاتب غم نهالین غم اکه

غم خرمنین غم آمبارا غم تؤکه

عؤمرون سفرهسیندن بیر نئچه تیکه

یئدیم دویمامیشدان بسدیر دئدیلر.

رحمتلیک دده کاتب
[ سه شنبه یازدهم بهمن 1390 ] [ 23:33 ] [ عاشيق حسن دژم ]
سریندی

مجنون اولوب داغی-داشی گزه نین

بیلمه لی دی، درد و بلا سریندی

آشیق دئیه ر سریندی

داغلار سویو سریندی

داردا قالان چاره سیز

مولاسینا سریندی

گولون عؤمرو باخمایین کی چوخ آزدیر

گولستاندا ناز و عشوه سریندی

*************

دوعا اوچون قنوت ائدیب بوداقلار

دردیم دئدیم، باخ گؤر نئجه بوداغلار

آشیق دئیه ر بوداغلار

بو یارالار بو داغلار

مجنون تکین چؤلده یم

مسکنیم دیر بوداغلار

آهیم اوددور، اریده جک بوداقلار

آما کؤنلوم صبیرلی دی، سریندی

*************

محشر اولدو، صوراسرافیل چالیندی

حساب گلدی عمللریم چالیندی

آشیق دئیه ر چالیندی

حاق قاپیسی چالیندی

ایللر گلیب اؤتوشدو

عؤمور باغیم چالیندی

میسکین احمد مولا درین چال ایندی

مولا گلر، آچ دردینی سرایندی



Aşıq şeiri nümünələrindən biridə cığalı təcnisdir. Keçmiş Aşıqlarımız, bu şer nümünəsində çox güclü əsərlər yaradıblar. Ama təəsüflər olsun indilikdə şairlərimiz və aşıqlarımız keçmişlərə tay daha bu şeir növü ilə uğraşmayırlar və getdikcə yaddan çıxmaqdadır........

Sərindi

Məcnun olub dağı-daşı gəzənin

Bilməlidir, dərd-ü bəla sərindi

Aşıq deyər sərindi

Dağlar suyu sərindi

Darda qalan çarəsiz

Mövlasına sərindi

Gülün ömrü baxmayın ki çpx azdır

Gülüstanda naz-ü işvə sərindi

***************

Dua üçün qunut edib budaqlar

Dərdim dedim, bax gör necə budaağlar

Aşıq deyər bu dağlar

Bu yaralar bu dağlar

Məcnun təkin çöldəyəm

Məskənimdir bu dağlar

Ahım oddur əridəcək budaqlar

Amma könlüm səbirlidi sərindi

*****************

Məhşər oldu sur əsrafil çalındı

Hesab gəldi əməllərim çalındı

Aşıq deyər çalındı

Haqq qapısı çalındı

İllər gəlib ötüşdü

Ömür bağım çalındı

Miskin Əhməd mövla dərin çal indi

Mövla gələr aç dərdini sər indi
[ سه شنبه یازدهم بهمن 1390 ] [ 23:30 ] [ عاشيق حسن دژم ]


ائل آشیغی

ائل آشیغی ائللرینده گزگیلن

شان شهرتلی آغیر ائللر سنین دیر

دیلین دؤنسون شنلیکلرین اوستونه

ساز قوینوندا اینجه تئللر سنین دیر

*************

شادلیغی یای اؤلکه لره ائللره

سونا گتیر چایلار ایله گؤللره

احسن اولسون او یارادان اللره

شن ائللرده، شیرین دیللر سنین دیر

*************

سازینی چال قوی ائللرین شاد اولسون

غصه- کدر یورد ایچینده یاد اولسون

قوی هر آهین آتش اولسون اود اولسون

سدلر ییخان گوجلو سئللر سنین دیر

*************

داغلارا چیخ یئندیر اوجا داغلاری

قوی داغیلسین ائلین اسکی داغلاری

او داغلاردا چیچک آچان چاغلاری

یاز گتیرن گوللو اللر سنین دیر
[ سه شنبه یازدهم بهمن 1390 ] [ 23:23 ] [ عاشيق حسن دژم ]
یئری دونیا سنه همدم اولمارام

ازل باشدان آل عبانی نئیلدین

باد ایلن گزیردی دریا اوزونده

تخت اوستونده سو لئیمانی نئیلدین


بو دونیادا بش گون گورمه دیم ازل

پوزولدو گولشانیم توک.لدو خزل

یوسیفدن خوش جمال زولیخادان گوزل

فوضولی تک غزلخوانی نئیلدین


یارادان یاراتدی حوری پریزاد

اون دورد معصوم امامتده معجزات

پیغمبر تک حبیب علی تک شیرزاد

کوراوغلی تک پهلوانی نئیلدین


ظالم دونیا منه ائیله مه منت

دونیایا گلندن چیکرم ذلت

ائشیدن بیلن لر وئرسینلر رحمت

دول ماحاللی مصطفی نی نئیلدین


                                                               عاشیق  دوولی مصطفی

[ دوشنبه دوازدهم دی 1390 ] [ 23:36 ] [ عاشيق حسن دژم ]
لیئندین بوراقیندان میندین رفرفه

                      نه دئئیم وصفینه یا رسول الله

نورون تجلاسی ووردو گویلره

                       جمالین شوقوندان یا رسول الله


جبرییل پرده دن گتیردی علم

                        عرشه یولوندا اولدو آه ایلن ناله م

خشم ایلن باخاندا چاتلادی قلم

                         حقین قورخوسوندان یارسولالله     


حاجیلار جهد ائلر گئده لر حاجا

                          او شانین شوکتین هامیدان اوجا

آللاهین اری ایلن گئدین معراجا

                          یئندیردین کلامی یارسول الله


دوللو مصطفی یام چوخدو گوناهیم

                           جهنم اودونا قالماییب تابیم

بیر اومودوم سنسن پوشت وپناهیم

                            قیامت گونونده یا رسوالله 

                   

                                                            عاشیق دوللو مصطفی          

[ شنبه دهم دی 1390 ] [ 23:16 ] [ عاشيق حسن دژم ]

 

گلین عزیزان اۆره‌ک اوْلۇب قان

گینه حسین‌ین عزاسی گلدی

حسینه قۇربان اؤله‌نده عطشان

باشێنێن اۆسته، آناسێ گلدی

 

گل ائی حسین‌چی، بیر ایل دئییردون

محرّم اوْلسۇن، محرّم اوْلسون

چکیلدی عرشه، حسین قاراسی

عزایه قلبون، مصمّم اوْلسون

 

دئنه‌ن حسین وای،‌غریب آقام وای

سنه عزاده، غم همدم اوْلسون

اۆره‌کده دردین، کیم ائتدی ایظهار

اوْنا حسین‌ین، دواسی گلدی

 

بۇ آیدا یاران، بلا چؤلینده

علی-وْ-اکبر، جهاده گئتدی

وئریلدی زینت، ذبیح-ی-زهراء

قتیل اوْلۇنسۇن، میناده گئتدی

تاپێب شهاده‌ت، اوْ گۆن میناده

 
[ یکشنبه سیزدهم آذر 1390 ] [ 2:13 ] [ عاشيق حسن دژم ]
ه حسین واه حسین


بوگون ماتم گونو گلدی

آه حسین واه حسین

سنین دردین باغریم دلدی

آه حسین واه حسین
********
کربلانین اؤنو یازی

اوره گیمدن چیخماز سؤزو

یزیدلرمی قیردی سیزی؟

آه حسین واه حسین
********
بیزیمله گلن لر گلسین

سیررینی مئیدانا قویسون

حسین ایله شهید اولسون

آه حسین واه حسین
********
کربلانین یازیلری

شهید دوشدو غازیلری

فاطما آنا قوزولاری

آه حسین واه حسین



شاه اسماعیل ختائی
[ یکشنبه سیزدهم آذر 1390 ] [ 1:54 ] [ عاشيق حسن دژم ]


كبرو غرور ايتمه اي بني ادم 

توسنيي شجردير ليباسيي كرباس

سنيي اوچون بير دم شيون ائدلر

قوووم قارداشلاريي راست اولا ناراس


                              


جنازه گئچنده صلات چكرلر

دفن ائديب اوستويه تورپاق توكرلر

قبريي اوسته بير داش نيشان تيكرلر

قيزو اوغلان اولماز سنه دادرس


جومعه گئجه لري داغليير نياز

نئچه گون ساوويشير چوخ اولا يا آز

گتيررلر مجتهدو پيش نماز

جمع اولور واريثلر.داغيلير ميراث


مقدور اولسا وئررلر بير آش

قودرتي اومايان ائدر سر تراش

داغليليب گئدرلر قوووم و قارداش

قالار غمگين.عزب .آري.صاحيب ياس


مقدور اولسا يئگدي ازل كي چيراغ

اوزوي خئيرات وئره ي چوخ اولار يئگراق

تيليم سن بختي يه ايقبالي يه باخ

واريث وئرمز.ائيله يه ي يوز ايلتماس


[ جمعه بیست و نهم مهر 1390 ] [ 23:1 ] [ عاشيق حسن دژم ]

مني منع ائيله مه ظاليم-گومراه

قارقابولبول اولوب.بولبول باز اولماز

اوت كوك اوسته بيتر .اصليني ايستر

قارا پالاس يوما غينان بوز اولماز


درويش منعم اولماز-شالينان گرك

آل ور چي بازاري مالينان گرك

هر مصلحت اولسا ائلينن گرك

مثلدير بو:بير گولونن ياز اولماز


عيلتلي گوموشو نه آل نه سيلدير

اول سووداسيني اوستادا بيلدير

قيزيل گول عاشيقي شئيدا بولبولدور

قارقا دولانماسين گولده قوز اولماز


ائلده لاييق ايگيت چوخ اولورگويا

عقلي ارباب اولان گركمز اويا

آغاجدان تنوره كورددن اووليا

قري لره زر گئييندير قيز اولماز


بوزونان دوز لاييق دئييل بير كانه

صرافلار ساخلاماز بي قيمت دانه

تيليم خان نئيله سين آغير سندانه

داش اوستونه آياق قويما ايز اولماز


[ جمعه بیست و نهم مهر 1390 ] [ 22:36 ] [ عاشيق حسن دژم ]


همایش بزرگداشت حکیم تیلیم خان درساوه برگزارشد.استان البرزدان.گلن.آشيقلارfsyw5252ljq482u1dnuk.jpg
بـــو افتخار یارادان ائل شاعیری حکیم تیلیم خانــــــا!

وتیلیــــــــم خانــــــی سئــونــلـــــــــره عشق اولسون



اؤلکه میز عیراقدیر، شهریمیز ساوا

مزلقان چاییندان گـؤتوردوم هــــــاوا

عاشیقلار دردینــــه ائیلـــــه رم داوا

طبیبم ! من هیندوستاندان گلیــــرم




1390/4/26گونش ایلی تیر آیی نین سون يك شنبه سي  ( حضرت مهدي)

(.ع.) دوغوم گونو دور، من اؤزنوبمده وهامی شاعیرلریمیز، آشیق 

وچالیجیلاریمیزین طرفیندن بو قوتلو گونو بوتون موسلمانلارا تبریک عرض

ائیله ییرم، بو اوغورلوگون وطنیمیزین وائلیمیزین فخری ساییلان -

آشیقلاریندیلدن دیله واوره ک دن اوره گه گزیب دولانان (دده تیلیم خانین )

آدینا قورولان سگيز مينجي قورولتایی دیر. بوتون شاعیر ،آشیقلاریمیز، بالابانچی 

وچالیجیلاریمیز دده تیلیم خانین قورولتای دا ایشتراک ائتمک دن اوره ک دن

سئوینیب و هامی قدیر بیله ن میللتیمیزدن تشککورلار ائتمه لی ییک کی

(حکیم تیلیم خانی)خاطیر لاماغا وحؤرمتلی مزارینی زییارت ائتمه گه مره

غئیه شرفیاب اولوبلار ، بونا گوره هامی بوردا اولان

ائلداشلاریمیزین ،شاعیرلریمیزوآشیقلاریمیزین و.......حیاتینده بو گون بیر

درین اونوتمامالی گون اولاجاقدیر.

اما بيزيمده اولكميزده اولان آشيق لاردان شهريار دان آشيق نصرت زرگر

ماهدشت (مرداباد) اولان آشيق علي جمالي وآشيق جمشيد بهرامي 

و آشيق مسعود عزيزي و اوزوم آشيق حسن دژم عزيز يولداش لاردان زحمت چكيب بو مراسيمده

شركت ائلميش ديلار  هاموسونان تقدير وتشكوورلر اولوندو  اقاي اميري دن ده چوخ تشكوور ائيليريك

كه تمام استان البرز دان گلن قوناقلارين زحمت چكيديلر عزيز دوستوما جان ساقليقي ارزولورام عمروون اوزون

قلمين گوجلو اولسون.(آشيق حسن دژم )



بؤیوک تورک شاعیر و عاریفی

حکیم تئلیم خان





بیلن‌لر بیلسین‌لر من «تئلیم‌خانـ»ام

بیلمه‌ین‌لر بیلسین گوهرم کانام

ساکن مره‌غئی اصل تورکمانام

گزه ـ گزه بو جهاندان گلیرم


استاد آشيق نصرت زرگردن يازيلميش مقاله لر 

s6vh0nsi6bdjkcxqcx59.jpg47nnqlgf4jrbxfxrknu9.jpgc0qlhto9l6kf0p1cuju.jpg


[ شنبه یکم مرداد 1390 ] [ 0:49 ] [ عاشيق حسن دژم ]
ذکریاران اولموشام

هـارداسان صاحب زمان گل مست جانان اولموشام

قـــهر، کـنــعانی قـاراتمش گل اورک قان اولموشام

عـالم مـستانه لیک اهــلیــلــــه مـن اولدوم تـانـش

انـــتـظارین هی چـکیب من عاشق جـان اولمـوشام

بـاغ ایمان باغــیبـانی تقصــیریـم چــــــوخـدور کی گل

سـن نه نـن زهرا شفـا قـیـل مـنده پشمان اولموشام

یـــوسـف زهــــرا یتیمـیـــک یــــوخدو درد اهلی بیزه

گل یعـقــوبین گــوزشــفاسی درده بیـجان اولموشام

شـمع تک هرجمعه عشقین ده یانیریوخسول جانیم

گل منـیم خوش صورتیم هجرینده حیران اولموشام

هرگـون خـلوت ایـلـرم صوبح سحربـیریـــاراوچون

شـاهــدیـــم دان اولـدوزودور ذکــریاران اولـموشام

"طـالبم "هــی باخـیــرام گـون چـیخانـا گـون باتانا

گـــوزلمک دن یار یـولون حالی پریشان اولموشـام

[ یکشنبه بیست و ششم تیر 1390 ] [ 1:13 ] [ عاشيق حسن دژم ]



dosheme_koroglu.ogg
                                                                                                                  
[ جمعه سیزدهم خرداد 1390 ] [ 2:49 ] [ عاشيق حسن دژم ]
صولودين.فروع دين ديليم ازبري

اوخوسام.خوش گلر آوازيم منيم

قنوت.ركوع.بيرده سجده م سهواولسا

نئيله سم.صحيح دي نمازيم منيم


گوناهكاردي نه كي يولدان آزان وار

ايكي ملك.خئيير.شري يازان وار

عرصت وار.قيل كؤرپووار.قازان وار

اوردا قبول اولسون نيازيم منيم


علعسگره شروبؤهتان دئينلر

شيطانا قول اولوب.ربا يئينلر

زكات سيزدؤولته حالال دئينلر

اونلاردان حالالدي بوسازيم منيم


[ جمعه ششم خرداد 1390 ] [ 15:34 ] [ عاشيق حسن دژم ]
بو دونيادا من تجربه ائله ديم

ناكس كؤرپوسونده هئچ بنياد اولماز

بير مردايله آغي يئسن شيريندي

يوز نامرد له شكر يئسن داد اولماز


يادين اوغلو ياغلي آشا مهماندي

دار گونونده گؤرسن كي اوساندي

دوشمان گونو دوشمانينلا دوشماندي

يوز ايل كئچه قوهوم سنله ياد اولماز


علعسگرين سؤزون يئتير نصابا

صرف ائدنلر ثبت ائله سين كتابا

هئچ نامردين آدي گلمز حسابا

مرد بير اولار اوندا ايكي آداولار


[ جمعه ششم خرداد 1390 ] [ 15:15 ] [ عاشيق حسن دژم ]
يوز ايگيرمي دؤرد مين نبي گليبدي

جمعي انبيانين عددي سنسن

صدقيله هر كيم كي چاغيرسا سني

ظاهرده باطنده مددي سنسن


حاق وئرمه سه قونشو پايي پاي اولماز

دوغرو يولا امك چكسن ضاي اولماز

بنده دن بنده يه بير هاراي اولماز

داردا قالانالارين صمدي سنسن



علسگر چاغيرير علي اعلي

غيظه گلدي ضربت ووردو سالسالا

ضربيندن تيتردي خيبر تك قالا

منكرين دونيادا جلادي سنسن

[ جمعه ششم خرداد 1390 ] [ 14:38 ] [ عاشيق حسن دژم ]

عارف اولان. گلين سيزه سؤ يله ييم

ايگيد سؤزو مرد-مردانا ياخشيدي

كيشي گرك دئديگيندن دؤنمه سين

بي ايلقاردان بير زناناياخشيدي



قلبي دوز اولانين ائوي حاج اولو

قونشويا كج باخان اوزو آج اولو

ايكي آروادلي ليق ماردان آجي اولو

بئز گئيد ير سن بير جانانا ياخشيدي



علسگر كوثردن باده ايچنده

گشت ائله ييب مرد ايگيدي سئچنده

گذران خوش اولوب گون خوش كئچنده

آغ اوتاقدان طؤوله خانا ياخشدي

[ جمعه ششم خرداد 1390 ] [ 14:24 ] [ عاشيق حسن دژم ]
[ دوشنبه دوازدهم اردیبهشت 1390 ] [ 3:13 ] [ عاشيق حسن دژم ]


[ پنجشنبه نوزدهم اسفند 1389 ] [ 1:13 ] [ عاشيق حسن دژم ]

تیلیم خانین بیر قوشماسی واردیرکی مضمون باخیمیندان اولدوقجا اینجه و یالنیز

گؤزللرین چئشیدلی گؤزللیکلری نین تصویرینه حصر اولموشدور. و تیلیم خان نئچه

بئیت ده بیله سؤئیله ییب:

بؤلقیس تَک ساچلارین دیر تخت اوسته

حــؤکم ائیله سن اؤ هـــــر یانه گرک دیر

آدین سیتــــاره ده زؤهـــره موشتـــــری

هیجرانین تشریفی جـــانـــــه گرک دیر

قاشلارین قارادیـــــــر گیپریگین زینـــی

گؤزلــــرین اؤلوبــــــدور قودرتلی عینـی

جمالین جننت دیــــــر گؤرسه لر دِینی

ائــــــله جننت عاریفــــــــانه گـرک دیر

عنفین شکــر دوداغین قند باشی دی

قولاقلارین آلچـــــــاق گپلــر ائشیــدی

یانناقلارین قیزیــــل گــولون پــوشودی

اؤ یانناقین شهد – شانـــه گرک دیــر

دیشلرین دؤردانـــه الماسین شاهی

دیلین لطافتـــــده دریــــــــــادا ماهی

موبارک حؤلقوم و گــــردن سوراهی

اؤ گردنه قــــؤل چولاماق گرک دیر

ایککی چیگینلرین جننتی گــــــــزر

قؤللارین بویــــورار اللرین یـــــــــازار

نازیک بارماقلارین هامیسین پــؤزار

بئیله شئی لــــر قلمدانه گرک دیر

پوشت – موبارکین تخت – ســولیمـــان

سینه ی بـــرف ایچینده کوه – ساوالان

آق سینه ن ده بیر جوت میوه – ریضوان

بئیله نــــــــــارلار خسته جانه گرک دیر

توکولوب قارا ساچلار دالـــــدا سراسر

ماییلام ساچلارین قراریــــــــم که سر

سحر تئزدن اولوب ، گول کیمین اسر

صبح بـــــه صبح اولارا شانه گرک دیر

قـــــارنی یین هـــــریانی ختایی آهو

ایچینده دؤر بیتــــر ماهی دیر ماهی

سینه ی آراسی دیـر اولارین راهی

دارغالیقی بئیله خانــــــــه گرک دیر

چــــؤخ سؤزلری دئسم باشــا بالادی

همی گومــوش واری ،همی طالادی

ایککی دیزلرین ایککی دسته لالا دی

قله مه لر چوب- گولشانه گرک دیـــر

توپوقلارین گول دور ، دابانین گول چــه

گله قبریم اوسته چنجه لر اؤل چــــه

خاکی بارماقلارین گؤ زومه میل چـــه

دیرناقلارین میلچه دانه گرک دیـــــــــر

ائیله شن مجلی سین دیوانین ائیلـه ر

سنی سئون داهی جننتی نئیلـــــه ر

دئمه گئت کی هامی منی منع ائیله ر

بوگون منه بــــو آستانه گرک دیـــــــــر

نور- تجللی ده چــــــؤخ عجاییب سن

تیلیم خـانین نظریندن غـــــاییب سن

وفـــــا دفتریندن اؤخـــــومـاییب سن

هله سنه مکتب خانــــه گرک دیــر

[ جمعه بیست و چهارم دی 1389 ] [ 14:56 ] [ عاشيق حسن دژم ]

دونیا

اعتیبارسیز چرخ دوران

کیمسه بیلمز ایشین دونیا

نئچه ارلری یوروبسان

چوخدو سنین یاشین دونیا

نه سولطانه نه خانه سن

قالمادین سلیمانه سن

یوردلار قویدون ویرانه سن

پوزالایدی داشین دونیا

اون ایکی آی ایلین واردی

بیر آلدادان دیلین واردی

نئچه فندی فعلین واردی

فن اولوبدی ایشین دونیا

دده کاتیب بودور بحثیم

یورقونام یوخدو هوسیم

قوش اوچار قالار قفسیم

چوخ آجیدی آشین دونیا

[ جمعه بیست و چهارم دی 1389 ] [ 14:40 ] [ عاشيق حسن دژم ]
نه عادت دیر؟

قادر آللاه نه عادت دیر زاماندا؟

یوخسو لون دوز سؤزون هئچ کس حاقلامیر

نه قوهوم نه قارداش نه ده قونشولار

ایل لر دؤنور بیر-بیرینی یوخلامیر

مؤمن قارداش هردن تویا گلنده

مین لیک سپیر تویچولاری گؤرنده

اون بئش تومن مستحققه وئرنده

سانجی توتور صبحه کیمی یوخلامیر

علم مجلسیندن دولانیر اوزاق

معنالی سؤزلرده اولوبدور قاچاق

معناسیز سؤزلره قوچ اوغلو قوچاق

انگی برکدی ها دانیشیر لاخلامیر

دده کاتب اگری یولدان قئییدر

فلک دییرماندی خاقی اویودر

بیر آتا بیر سورو اولاد بؤیودر

سگگیز اوغول بیر آتانی ساخلامیر

[ جمعه بیست و چهارم دی 1389 ] [ 14:16 ] [ عاشيق حسن دژم ]

آغلادی

قادر آللاه بو محنتدن بو غمدن

یاندیم جسم ایچینده جانیم آغلادی

پروانه تک آلیشمیشام آتشه

قایناییب جسدده قانیم آغلادی

سگگیز سجده گاهیم بیر یانا دؤندو

بئش جسمیم اعضادا دیوانه دؤندو

قلبیم قانا گؤزوم عماا دؤندو

ایکی عینیم بیر زبانیم آغلادی

اود آلیب آلیشدیم اوره کده ناریم

گئجه گوندوز بیر آللاهه بالواریم

بوتون اوچ یوز آلتمیش داماریم

دؤرد یوز قیرخ دؤرد استخوانیم آغلادی

کاتب بیر آللاهه واردی پناهیم

بایقو تک ویراندا کیم بیلیر آهیم

دنیزلر جمع اولسا چوخدو گوناهیم

یاد ائدینجه روح روانیم آغلادی

[ جمعه بیست و چهارم دی 1389 ] [ 14:12 ] [ عاشيق حسن دژم ]
نئيلدين

دونيا، سنين اعتبارين يوخ يميش


بير خبر وئر ،ميرزا جاني نئيلدين؟


نئچه بيلرله،نئچه خانيله



گوفتاري خوش، اهل –جاني نئيلدين؟


نئچه شهر ايسته جنگ ائديب ساواش


جاري اولوب يئل يئريه قانلي ياش


فلك ،ائتدين تاج – تختين تاراش


نوكر، نايب، خانيماني نئيلدين؟


پوچ دونيا،سنده بير يارايان هاني؟


گون به گون آرتيردي شوكتي،شاني


تيفليسين ساغ الي ،سردارين جاني


ويران قويوب داغيستاني ،نئيلدين؟


او فلكدن، دويون يئرين داغلايان


ازلي شاد اولوب، سونرا آغلايان


سينه سيندن شعر، كيتاب باغلايان


صاحيب – هوش،گوهركاني نئيلدين؟

[ یکشنبه نهم آبان 1389 ] [ 23:55 ] [ عاشيق حسن دژم ]
[ شنبه هشتم آبان 1389 ] [ 1:3 ] [ عاشيق حسن دژم ]
[ جمعه هفتم آبان 1389 ] [ 23:40 ] [ عاشيق حسن دژم ]

 سلام اولسون هامو دوستلارا سیزه عرض ائیلیم  عاشیق  غیاث جباری1387 تاریخدا بیرام گونونده بیر درده دچار   

اوولدو ایکی ایل بودردینن الشدی اما تقدیر روزگار اونان یار اولمادو وگون به گون درد اونا گوج اولدو 1389 تاریخیندا سه

شنبه گونونده 8 مینجی ایدا دونیادان ال اوزدو بو مصیبتی تمام هنرمند اهلینه وعزیز دوستلارا تسلیت عرض ائیلیرم


وهامویا جان ساقلیقی ائیستیرم

[ جمعه هفتم آبان 1389 ] [ 23:22 ] [ عاشيق حسن دژم ]
[ جمعه هفتم آبان 1389 ] [ 23:3 ] [ عاشيق حسن دژم ]
[ جمعه هفتم آبان 1389 ] [ 19:44 ] [ عاشيق حسن دژم ]

سوال-صراط قاباقدادی نه داماقدی دونایدا!؟

کلمه-شهادت لازیمدی اولن واختی دونیادا

توت اوروجون قیل نامازین شوکور ائله آللاها

قول اوما دونیا مالینا قالاجاقدی دونیادا

یالان دئیب غیبت ائتمه  رحمین گلسین جانینا

اوزو اوزونه فخر ائیله ییب باخما شوکت شانینا

عزراییل الینده چنگل گله جکدی یانینا

غضبیندن گول ایرنگین سولاجقدی دونیادا

شاگیر دلیکده جان چوروتدوم هرگز اوستاد اولمادیم

نفس اولدوردوم دوز دولاندیم دوستومدان یاد اولمادیم

علسگرم قان اغلادیم اولونجه شاد اولمادیم

ازل گوندن فلک منه قارا باخدی دونیادا


[ شنبه هفدهم مهر 1389 ] [ 0:39 ] [ عاشيق حسن دژم ]
بیر بی وفا دوست یولوندا باشی جاندان کئچمیشم

اونوتموشام دوغرو راهی دین ایماندان کئچمیشم

ذره جه گلمز عینیمه بو دونیانین جیفه سی

ترک ائدیب دوولتی مالی خانیماندان کئچمیشم


دردیم چوخدو کیمه دئیم؟ یوخدو درد بیلن حکیم

صراف سنن آچ خیرد ائیله لعل وگووهردی یوکوم

شاهی مردان سایه سینده کیمسه دن یوخدو باکیم

صدقی دیلله سیغینمیشام من عمانادان کئچمیشم



ایسمیمدی عاشیق علسگر بود دوورانیم منیم

غربت ائلده بیر گوزلده قالدی پیمانیم منیم

اولورسه لر بوسئودادا حالل لدی قانیم منیم

اینجیمرم دوست یولوندا بو زیاندان کئچمیشم


[ شنبه هفدهم مهر 1389 ] [ 0:19 ] [ عاشيق حسن دژم ]
صدق دیلله سیغینمیشام سبحانا یاواریرام
محمد (ص)نازل اولان قرانا یالواریرام
مذهبیم امام جعفر(ص)دی کعبه دی قیبله م منیم
ایلقاریمدا چوخ محکمم ایمانا یالواریرام

سالدی شهادت بارماغین آتدی دری- خیبری
حوکم قیلدی ذوالفقارا&ایکی بولدو عنتری
چکنده((الاه اکبر)) قیردی مین مین کافری
ذلیلرین اومیدواری مو منلریرن سروری
شاهی مردان شیر یزدان من اونا یالواریرام

دار گونومده یئتیش دادا عدالت شاهیم منیم
کونلو غمگین گوزو یولدا آرتیبدی آهیم منیم
پرستاریم اومیدواریم سنسن پناهیم منیم
ایسمیمدی عاشیق علسگر  چوخدو گوناهیم منیم 
گوناهکار آپارما منی دیوانا یالواریرام



[ شنبه هفدهم مهر 1389 ] [ 0:3 ] [ عاشيق حسن دژم ]
[ پنجشنبه یازدهم شهریور 1389 ] [ 1:8 ] [ عاشيق حسن دژم ]
  ">
[ پنجشنبه یازدهم شهریور 1389 ] [ 0:56 ] [ عاشيق حسن دژم ]
[ پنجشنبه یازدهم شهریور 1389 ] [ 0:39 ] [ عاشيق حسن دژم ]
[ پنجشنبه یازدهم شهریور 1389 ] [ 0:29 ] [ عاشيق حسن دژم ]
.: Weblog Themes By Weblog Skin :.
درباره وبلاگ

آشیق حسن دژم
تيلفون
09354637911
02636335526
نازلی شیرین دیل واریم ، ئوزگه دیله یازمارام
دوغراسالاردا منی اُوز دیلیمی آتمارام
جنتی وئرسز منه ، دونیانی ساتساز منه

من آنامین ناز دیلین باشقا دیله ساتمارام
موضوعات وب
لینک های مفید