اوستاد نامه.

دلی کؤنول، مندن سنه امانت،دئمه بو دونیادا قالیم - یاخشیدی.
بیر گون اولار قوهوم-قارداش یاد اولو،
دئمه اولوسوم وار، ائلیم یاخشیدی.


مجلیسه واراندا اؤزونو اؤیمه،
شئیتانا باش وئریب، کیمسه یه سؤیمه،
قوووتلی اولسان دا یوخسولو دؤیمه،
دئمه کی، زورلویام، قولوم یاخشیدی.

قوچاقدان اولوبسان، قوچاق اولگونان،
قادادان، بالادان قاچاق اولگونان،
سن آچیق اول، مرد اول، آلچاق اولگونان،
دئمه واریم چوخدو، پولوم یاخشیدی.

خسته قاسیم کیمه قیلسین دادینی؟
سانی چیخسین، اؤزو چکسین اودونو،
یاخشی ایگید یامان ائتمز آدینی،
چونکی یامان آددان اؤلوم یاخشیدی.

ادامه نوشته

بايرام

بايرام

بايرام سنين گؤروشوندور

ايل دؤنومو بهانه دير

باهار سنين گولوشوندو

سؤز صؤحبتين ترانه دير.

 

ياناقلارين قيزيل گولو

باخيشلارين سئوگي سئلي

سئودان مني ائديب دلي

سؤيله مه بو ادا ندير.

 

گول گؤزليم گوللر آچسين

ياسمنلر عطير ساچسين

غم داغيلسين، غوصه قاچسين

زمان يامان زمانه دير.

 

گونش سريب تئلين داغا

گول سوفره سين آچيب باغا

بيرجه اؤپوش بايرامليغا

وئرسن اگر شاهانه دير.

 



 یئنی ایلینیز قوتلو اولسون                                                   

ائیلمه

قادر الله بودو سنن دی لگیم 

هچ داغون غوزین غار سیز ائیلمه

هچ ایگیدین عقلین الما الینن 

ناموس سوز غیرتسیز عارسیز ائیلمه

 

هچ عاشیق اولدورمه جوان چاقیندا

هچ بولبولو خار ائتمه گول بوداغیندا

اغیر مجلیسلرده ائل قاباغیندا

هچ کسین جیبین پولسوز ایلمه

هچ سونانو ایری سالما گولونن

هچ ایگیدی ذلیل ائتمه دیلینن

داغ تک اولسا اویناتالار یرینن 

هچ کسی طایفاسوز ائلسیز ائلمه

هچ قهرمانی ایری سالما قوشون نان

هچ ایگیدین عقلین آلما  باشونان

هچ کسی دار قویما تای توشونان 

هچ ایتی ده    دونایادا مال سوز ائیلمه

بئش بئش استاد تیلیم خان دان.دئین آشیق غیاث جباری             یازان آشیق حسن 

(جان) دئسین

یارادان یارادیب کلی-عالمی

عارف اولان بو فرمانا (جان) دئسین

یئددی یئر .یئددی گوی .یئددی ده دامو

سککیز جنتی-رضوانا (جان) دئسین

اون ایکی آیا قرار قویوب بیر ایلدی

آلتیسی متصل.چوخ معتد لدی

اوچو بددی.همراه اولماق موشکولدو.

قصد ائیلر غوغایا-قانا (جان) دئسین.

نوروزدا باهار دئلر ((بلی))

گاه کمالا یئتر.گاه اولار دلی

گون ووراندا.گوئیلردن سئل گلی

قوزئی ایستر.زمستانا ((جان)) دئسین

یازین بیر آییندا خوش کئچسه ایللر

زوغ وئریب ریشهدن آچیلار گوللر

قیشین ز مهریر ین .چکن بولبولر

شئدا اولسون.گولوستانا((جان)) دئسین.

کو کرر داغلار. بیر بیریندن دئیینی

سئچمک اولماز گداسینی بیینی

فروردینده سبزه لباس گئیینی

گویدن یاغان آغ نئیسا نا ((جان))دئسین

آرانداقالانلار مئیل ائیلر باغا

ایستی ووراندا بورکو دوللار اوتاغا

بزنر گوزللر چیخار یایلاغا

منلگهللار اول مهمانا ((جان)) دئسین

یایلاق منتظردی یولارین گوزلر

بویون ایر بنووشه لر نرگیزلر

چشمه یه یئتنده گلینلر قیزلار

گوللرده چالخان نان سونا ((جان)) دئسین

اولار گوزلرین عهدی-پیمانی

آلاچیق قورولجاق کسر قوربانی

علسگر شانینهدئسین داستانی

فخر ائله سین .دوغان آنا ((جان)) دئسینه

بایراموز مبارک اولسون

 یا مقلب القلوب و الابصار 
یا مدبر اللیل و النهار 
یا محول الحول والاحوال
حول حالنا الی احسن الحال
سالاملار هامی یولداشلارا و هامی تورک دیللی اینسانلارا بایراموز موبارک اولسون