خندان ائديللر

خندان ائديللر

اي آقالار گلين سيزه سويله يم
سلطان ايسته مه ميش جاراگئد يللر
غريب قوناخ قالور كند آراسوندا
هركس اؤز ائوينه خندان گئديللر

جانوم مگر دولتلي لر اؤلمزلر
خدا پيغمبري بير حق بيلمزلر
يوخسول اؤلسه نامازونا گلمزلر
وارلو ناخوش اولسا گورومه گئديللر

دولتلي سُوروشور بير بير حاليني
بير- بيرينه وئرير دونيا ماليني
يوخسول اگرائده عرض حاليني
باخارلار بيربيره خندان ائد يللر

عاشيق تيليم سنده سؤزون اؤزاتما
منزيل ياوخلاشوب اوزين قوجالتما
آديني خان قويوب اؤزين بازاتما
جنازان يئرده كن مالين بئللرلر

یاخشیدیر

^{وفا سیز رفیق ده ن یامان یولداشدان}

^{قاپیدا او باغلی کوپک یاخشیدیر}

^{آلچاق ویردیگین شالدان قوماشدان}

^{خام بئزدن او بچیلمیش کوینک یاخشیدیر}

 

^{نادانین یانیندا بیر اندا دورما}

^{عالمله الفتی اماندی قیرما}

^{حرامدان یئتیشه انبارجا خورما}

^{حلالدان بیر اوووچ چرده ک یاخشیدیر}

 

^{بد اصیل آی اولا سئویب سئویشمه}

^{آییق اول نانجیب چنگینه دوشمه}

^{هر بالدان بال اولماز فوری گیریشمه}

^{گز اولان گورها نسی پتک یاخشیدیر}

 

^{گورمه میش بشئردن جکمه منتی}

^{آلچاقدان ایسته مه باغ جنتی}

^{ناکسلر پایلاسا ناز نعمتی}

 ^{سوفراندا اویاوان چوره ک یاخشیدی}  

    ^{عطش قال سو ایشمه هر بیر بولاقدان}

 

       

^{نامرده سئو یکنمه دوشسن ایاقدان}

^{محبت ایستمه ذاتی قیراقدان}

               ^{ذاتی پاک ائیله کوتک یاخشیدیر}

  

^{ای نجات هر یابی تومار گوتورمز}

^{شورانلیق زمی لر باغچا بیتیرمز}

^{تربیت قوز قونون ذاتین بیتیرمز}

^{بال وئرسن دییر اوجمده ک یاخشیدیر}

 

 

الله

الله
ایدراکدا یول آچمیش گئجه ده ن گوندوزه الله
گولدورمه سن اؤز کؤنلونو ، گولمه ز اوزه الله
دونیایه شفق لر کیمی تانریم سه په له نمیش
قلبین گؤزو یانمازسا ، گؤرونمه ز گؤزه الله

*
الله بیلیریک جیسم دئییل ، بس نه دیر الله ؟
ان یوکسک اولان حاقدا ، حقیقتده دیر الله
دوندونسه تکامل و گؤزللیک قاباغیندا
درک ائت ، بو تعجب ده بو حئیرت ده دیر الله
*
بیلدیک ، بیلیریک ، گیزلیدیر اینسانداکی قدرت
هرکس اونو فهم ائتمه سه ، عاجیزدیر او البت
اینسانین ازل بورجودور اینسانلیغا حورمت
اینسانلیغا ، حورمتده ، لیاقتده دیر الله
*
گرچک ده بودور گیزلی دیر او ذره ده وحدت
بیر ذره ایکن جمله قووشماق بونو نیت
گؤردوکلریمیز ظاهیری دیر ، بطنه نفوذ ائت
باطنده کی ، جوهر ده کی ، فطرتده دیر الله

*
فطرتده یاتیر ، سؤزده ، سؤزون اؤز یوکو فیکریم
سئچمیش ، سئچه جه ک ، دائما توکدن توکو فیکریم
من بیر آغاجام یارپاغی سؤزلر ، کؤکو فیکریم
سؤزلرده دئییل ، سؤزده کی حکمتده دیر الله
*
اینسان ، تپه ده ن دیرناغا سن آرزو دیله ک سه ن
نفسینده دویومسوز ، فقط عشقینده ملک سه ن
ظولمون اوزونه حاق دئییلن شیلله نی چه کسه ن
شیلله نده ، موهورله نمیش او غئیرتده دیر الله
*
جاهیل ائنر آلچاقلیقا ، اؤز قلبینه یئنمه ز
وجدان دان اگر دؤنسه ده ، خئیریندن او دؤنمه ز
ظولمتده ، جهالتده ، عداوتده ، گؤرونمه ز

ایلقاردا ، صداقتده ، محبتده دیر الله

استاد بختیار وهاب زاده