قوجالدیر اینسانی قوجالدیر زمانه
اوره گین آتشی - کؤزو قوجالمیر
داغلاری – داشلاری قوجالدان زمانه
بیلمیرم بس نییه اؤزو قوجالمیر
گئتدی باهاریمیز ، یئر قیشا قالدی
دؤزلر قارا قالدی یاغیشا قالدی
بیزیمکی بیر قورو باخیشا قالدی
نیله ییک ، آرزونون گؤزو قوجالمیر
بختیار دوشونک بیز درین – درین
خیال لار محتشم آرزولار شیرین
اصل صنعتکارین ، اصل شاعیرین
اؤزو قوجالسادا ، سؤزو قوجالمیر
+ نوشته شده در یکشنبه سی ام خرداد ۱۳۹۵ ساعت 17:25 توسط عاشيق حسن دژم
|
آشیق حسن دژم