تئلیم دهن بو سؤزلر نیشانا قالیر
ساقی دولدور ایچیم جامی مستانا
گئدهر می ایچن لر میخانا قالیر
کئچهر بودونیانین یاخشی یامانی
قالسا بیریاخشیلیق اینسانا قالیر
یامان گونده دوستون آلار یانینی
گلیب گونده خبر آلا حالینی
قوجالاندا اوغلون توتا الینی
قالسا بیر یاخشیلیق اوغلانا قالیر
خریدار اولمادی دئمه سؤزونو
هر نا کسه وورماگینان اوزونو
دلی دؤولتلییه وئرمه قیزینی
مال و دولت گئدر، دیوانا قالیر
آدام اوغلو جبری گلمز حیسابا
میراث خورلار اوچون دوشهر عذابا
حریص لر بایقودور دونیا خرابا
بایقو اوچوب گئدهر ویرانا قالیر
مین «جو»وا وئرمهرهم «دو» و«سه پنج»ی
کیم ییغا دؤولتی کیم چکه رنجی
گئدهر دؤولت - مردین دؤولت وگنجی
تئلیم دهن بو سؤزلر نیشانا قالیر
شعر: تئلیم خان
گؤندهرن: عاشیق گونش
+ نوشته شده در شنبه بیست و یکم اردیبهشت ۱۳۹۲ ساعت 0:44 توسط عاشيق حسن دژم
|
آشیق حسن دژم